पार्वती बहुमुखी क्याम्पसको ११औ स्थापना दिवस

  • Nepali Sanchar Radio Australia
  • / अटो /
  • २०८० चैत्र १६, शुक्रबार (१ साल अघि)
  • ४६२ पटक पढिएको
अस्ट्रेलियाली नेपाली समुदायको ताजा समाचारको निम्ति फेसबुकमा हामी संग जोडिनुहोस। बिज्ञापनको लागि : Advertise ।  आफ्नो सामुदायिक तथा संस्थागत गतिबिधि बारे समाचार पठाउन info@nepalisancharradio.com मा इमेल गर्नुहोस। नेपाली संचार रेडियो हाम्रो पात्रो एप्सको रेडियो सेक्सनमा सर्च गरेर सुन्न सक्नु हुन्छ। । 
पार्वती बहुमुखी क्याम्पसको ११औ स्थापना दिवस

बेथानचोक गाउँपालिकामा रहेको पार्वती बहुमुखी क्याम्पसले आफ्नो ११औ स्थापना दिवस विविध कार्यक्रम गरी मनाएको छ ।

गाउँपालिकाका अध्यक्ष भगवान अधिकारीको प्रमुख आतिथ्यतामा भएको कार्यक्रमलाई सम्बोधन गर्दै उहाँले गाउँपालिककाकै गौरवको रुपमा रहेको एकमात्र क्याम्पसले नयाँ वर्षारम्भ गरेकोमा शुभकामना दिनुभयो ।
ग्रामिण भेगमा रहेको क्याम्पसका आफ्नै किसिमको समस्या हुने भन्दै त्यसका अलावा,दिनानुदिन विद्यार्थीहरु विदेशिने समस्याले भावी दिनहरुमा चुनौति बढ्ने बताउनुभयो । उहाँले शिक्षाले व्यवहारमा परिवर्तन ल्याउनु पर्ने भन्दै जीवनपयोगी शिक्षा दिन क्याम्पस टिमलाई आग्रह गर्नुभयो । उहाँले गाउँपालिकाले क्याम्पसका लागि लगानी थप्ने बताउँदै सिकाउने खालको जाँगरिलो पौरखी शिक्षा अबको गन्तव्य हुनु पर्नेमा जोड दिनुभयो । दैनिक जीवनमा प्रयोग गर्ने खालको शिक्षाले शिक्षालयको वातावरण, विद्यार्थीको जीवनपद्धति र अनुभवलाई सम्बोधन गर्ने भएकोले आफू पनि क्याम्पससँग सहकार्य गर्न तयार रहेको बनाउनुभयो ।
क्याम्पस सञ्चालक समिति अध्यक्ष विनोद तिमल्सिनाको सभापतित्वमा भएको कार्यक्रममा क्याम्पस प्रमुख प्रताप कार्कीले क्याम्पसका गतिविधि र भावी कार्ययोजना प्रस्तुत गर्नु भएको थियो ।
कार्यक्रममा बेथानचोक गाउँपालिका पूर्व अध्यक्ष प्रेम बहादुर तिमल्सिना, प्राध्यापक संघ बागमती प्रदेश सह–संयोजक, सह प्राध्यापक काभ्रे बहुुमुखी क्याम्पसका अध्यापक माधव प्रसाद तिमल्सिना, अग्रज पत्रकार तथा काभ्रे बहुमुखी क्याम्पसका सह प्राध्यापक इश्वरी ओझा,संस्थापक क्याम्पस प्रमुख एवं पार्वती माध्यमिक विद्यालयका प्रधानाध्यापक गोविन्द शर्मा लगायतले क्याम्पसको प्रगतिको शुभकामना व्यक्त गर्नु भएको थियो । कार्यक्रममा बेथानचोक गाउँपालिकाका प्रमुख प्रशासकीय अधिकृत राजेन्द्र भण्डारी, बेथानचोक गा.पा. वडा नं. २ को अध्यक्ष, एवम् क्याम्पसका स्व.वि.यु. सभापति, पुरुषोत्तम तिमल्सिना वडा नं. १ को अध्यक्ष मधुसुदन तिमल्सिना, वडा नं. ५ को अध्यक्ष राजकुमार वाईबा, बेथानचोक गा.पा. वडा नं. ६ को अध्यक्ष विष्णु तामाङ, विभिन्न वडाका सदस्यहरु, जग्गा दाता, चन्दा दाता, अभिभावक, विभिन्न संघ संस्थाका प्रतिनिधि लगायतको उपस्थिति रहेको थियो । कार्यक्रममा वी.एड तथा वि.वि.एस. उत्तीर्ण विद्यार्थीहरु, जग्गा दाता, चन्दा दाता, पूर्व अध्यापक, वर्ष शिक्षक लगायतका विधामाहरुमा सम्मान गरिएको थियो ।


अस्वीकरण: नेपाली संचारमा प्रकाशित समाचार तथा सामग्री रिपोर्टिङका लागि मात्र प्रयोग गरिएको हो। हामी न्यायसंगत प्रयोग (Fair Use/Fair Dealing) सिद्धान्त अनुरूप सूचना तथा जानकारी दिन्छौं। यसमा प्रकाशित समाचार विभिन्न श्रोतबाट साभार गरिएको हो। यदि तपाईं समाचारमा उल्लेखित हुनुहुन्छ वा कुनै सामग्रीको प्रतिलिपि अधिकार राख्नुहुन्छ र हटाउन वा संशोधन गर्न चाहनुहुन्छ भने, कृपया हामीलाई सम्पर्क गर्नुहोस्।
यो सामग्री मूल संगठन/लेखक(हरू)बाट प्राप्त भएको हो, जुन निश्चित समयमा सान्दर्भिक हुन सक्छ र स्पष्टता, शैली तथा लम्बाइका लागि सम्पादित गरिएको हुन सक्छ। नेपाली संचारले कुनै संस्थागत धारणा वा पक्ष लिँदैन, र यहाँ व्यक्त गरिएका सबै विचार, दृष्टिकोण, र निष्कर्षहरू पूर्ण रूपमा लेखक(हरू)का हुन्।

ताजा अपडेट

खोजी गर्नुहोस